轉吓眼又到夏天，阿嘆唔想咁快開冷氣，令地球嘅碳排放增加。咁除咗開冷氣，仲有咩方法消暑？
阿嘆最近搵到個網頁，正正係介紹低碳消暑嘅貼士：包括將床單被套同窗簾換成輕薄嘅物料（如竹蓆），再放多啲綠色盆栽，就會令屋企涼爽啲；平時著多啲淺色透氣衫褲，有助身體散熱；就算出多啲街，都可以減少喺屋企開冷氣同電器嘅時間，變相減低碳排放。唔知呢啲方法，幫唔幫到大家過番個「涼浸浸」嘅夏天呢？
