U Magazine: 大學入宿低碳生活Start (創新小組We Fill訪問)
2018-05-10
U Magazine: 2018年5月10日
text: Eunice, photo:Lok、受訪者提供, edit: Edmundo, art: N
大學生入宿年代，你仲記唔記得當年為宿舍，買齊日用品的日子﹖求其買隻抵用就算﹖現時大學 freshman 就多個選擇，幾位熱愛環保的年輕人創立「WeFill」，為新入宿學生提供貼心方便的低碳生活套裝，介紹手工皂、竹牙刷、竹廁紙等七件好物，希望他們嘗試減少不必要的包裝，及支持環保。
要贏一個要求環保提案符合低碳，又要創新的比賽，其實好有難度。今年賽馬會低碳創聚舉辦「零碳創新提案戰 2018」，WeFill 團隊獲得「最佳創新小組獎」及「最佳零碳創新獎」兩個大獎，他們想到為租住人士提供貼心方便的低碳生活套裝，並在大學宿舍和共居空間書匯試行計劃。
WeFill 團隊成員之一 Carmen 說，他們一開始想推廣減少包裝購物，亦見近年愈來愈多人支持裸買運動，消費者可自備容器購買產品，不過店舖不多，好難吸引人專程去支持裸買，我們希望令這件事更形容接觸。另一位成員 Joey 表示︰「大學生入宿，可能未必清楚去哪兒添置日用品，平時亦冇買開日用品，我們計劃於各大學入宿日擺檔，提供七樣 zero waste 入宿必需品，方便同學仔選購。我們沒有硬銷這些是環保產品，因反而可能令他們卻步，希望同學以相宜價錢嘗試產品，之後才解釋產品背後帶出的環保訊息。」
低碳生活套裝
低碳生活套裝七件好物，包括竹牙刷、竹廁紙、2 件天然成份手工皂、洗衣珠、大布袋及任選一款盛物容器，其中洗衣珠是 WeFill 團隊自家研發。洗衣珠成份包括 washing soda、鹽及醋等，聞落有薄荷味，Joey 話︰「因為住 Hall 的同學去洗衫，好多時要拎成樽洗衣液，或盒洗衣粉去洗衣機，依家拎粒洗衣珠方便得多，而坊間暫時未有環保洗衣珠。我哋因應香港濕度及氣溫做新配方，過程中有好多失敗，有的太硬太軟、唔溶或太黏手，重複嘗試得出成品。一般每次用 2 粒放入洗衣機即可，想起泡更多，可放於網袋使用。」據知，所有產品 WeFill 團隊都試用過她又推介薑皂梘，話起泡效果唔錯，用後頭髮不易打結及乾旱，髮質亦順滑。
落單 refill 送貨上門
買一次低碳生活套裝好容易，最大問題是用完後，如何吸引學生繼續用環保產品？WeFill 最貼心的服務——落單 refill 兼送貨上門，Carmen 話︰「我哋最初諗於洗衣房設 zero waste 自動售賣機，鼓勵大家 refill，但當實地去城市大學實地考察及訪問，擺攤檔了解學生需要後，發現學生覺得自備容器較麻煩，所以改為推廣低碳生活套裝。當同學用畢產品後，可網上下單通知我們，之後有專人直接送貨，如換新 refill 樽。」另外，由於每家大學為宿生提供的日用品不同，舉例 HKUST 及 HKU 宿舍提供卷裝廁紙，所以 WeFill 亦提供散買服務。而負責指導 WeFill 的仁人學社的邦及 Jayford 表示， WeFill 團隊反應迅速，能夠按用家需要及現實，改變項目的策略及方向，不會墨守成規。
低碳生活套裝 $99
設計思維訓練營
新一輪「賽馬會低碳創聚」培育計劃即將舉行，透過八個月的密集式活動，指導參加者由意念構思開始實踐環保計劃。另外，可於「設計思維訓練營」組織團隊，有機會接受專家指導精益創業的技巧，獲 8 千元資助金發展及測試項目，並在六個月後參加提案賽，競逐啟動基金。
「設計思維訓練營」（1）（兩天日營）5 月 26 日及 27 日•報名及詳情︰http://coil.hk•查詢︰3568 2244•IG : wefill hk
.jpg){kind=link}