刊登日期   2017年8月21日
撰文: 黛安 消息特靈八卦公關 

原文連結，請按此

依家愈來愈多人重視環保，黛安亦唔例外，購物前都會停一停、諗一諗。「賽馬會低碳創聚」早前舉辦嘅「零碳創新提案戰2017」，就想畀民間發揮創意，鼓勵人諗一啲創新方法去救救地球，得獎者仲有獎金𠻹！

其中，希望推廣用蚯蚓堆肥、以天然方法紓緩廚餘問題嘅「蚯蚓箱人」，除咗奪得「最佳創新小組獎」和$5萬獎金外，仲拎埋「最受觀眾歡迎獎得獎」，睇嚟大家都好like呢個idea。另外，「最佳公開組別獎」就由推廣電子收據平台嘅「Recipio」贏得，希望大家少啲用紙咁話。

「賽馬會低碳創聚」由香港賽馬會慈善信託基金捐助超過$1,000萬，支持活動3年，目的係希望凝聚更多以可持續為目標嘅團體及有心人，等更多綠色種子可以喺香港發芽，茁壯成長。