眨下眼嚟到年尾，又係回望過去，展望將來嘅時間。過去一年，香港同國際間都發生好多驚心動魄嘅大事，媒體搞嘅十大新聞回顧可能冇環保新聞在內，但關心地球生態嘅朋友，都好應該回顧一下今年嘅環保界新聞。

綠惜地球同「撐香港」最近推出咗「2016年本港十大環保關鍵詞」選舉，以用關鍵詞或一句話去總結一單環保新聞或一個環保議題。咁樣有助大家總結經驗，喺來年做得更好。阿嘆睇完佢哋列出嘅關鍵詞，再睇返自己本日記，發覺原來自己都關心過「細口仔垃圾桶」、「海漂垃圾襲港」、「環保倉變武器庫」等。有則改之，無則加勉，希望未來一年政府同我哋普羅大眾都要做返好啲。

投票至下年1月7日結束，我阿嘆就投咗啦，大家都一齊click入去表態啦！