「摘去鮮花，然後種出大廈…」呢首《燕尾蝶》就嚟成為香港之歌！由菜園村到最近新界東北嘅馬屎埔村，香港要發展，每次都係暴力強徵地，用鐵絲網圍住農地，仲用推土機剷平農田同樹木，激死阿嘆喇！香港唔通只得一種由發展商壟斷嘅發展模式？

其實香港鄉郊唔只係俾城市人放假行山放空嘅後花園，新界東北有唔少農地，好似馬屎埔村村民就會收集鄰近社區廚餘嚟堆有機肥，種出新鮮本地蔬菜。既可減廢又可增加糧食自給率，保留城鄉共生嘅關係，咁先係可持續發展嘅生活㗎嘛！ 香港人，你話係咪先？！